Velferdsmidlar for studentar |
Studentråd, lag og organisasjonar som er knytta til høgskulane i Volda eller Ålesund, kan søkje om økonomisk støtte til drift eller gjennomføring av prosjekt/tiltak.
Studentsamskipnaden for Sunnmøre (SfS) deler to gongar i året ut slike midlar.
Søknadsfristar: 1. februar og 1. oktober.
Retningsliner for tildeling:
SfS deler inn overføringane til lag og organisasjonar i 2 kategoriar.
Kategori 1 - Inntil 1/3 av det budsjetterte beløpet vert direkte overført styra i studentråd/studentlag.
Kategori 2 - Det resterande beløpet vert avsett til støtte til lag og organisasjonar og til ulike prosjekt/tiltak i regi av desse.
Midlane blir fordelte 2 gongar pr. år. Søknadsfrist for kategori 2-midlar er 1. februar og 1. Oktober. SfS informerer studentorganisasjonane i god tid og sender ut søknadsskjema.
Når det gjeld kategori 1 får kvart studentrådsstyre og studentlagsstyre overført ein lik sum til drift, administrasjon og arrangement. Det er ein føresetnad at styret legg fram årsmelding og rekneskap m/balanse/resultat og med kommentarar.
Studentråd / studentlagsstyre står fritt til å søkje om kategori 2-midlar i tillegg til desse midlane. |
|
Kriteria for vurdering - kategori 2
1) SfS skal ha som mål å gje stønad til prosjekt/tiltak som kjem flest mogleg studentar til gode og som i størst mogleg grad gagnar framtidige studentar.
2) SfS skal gjennom denne ordninga sjå til at organisasjonane sine midlar sikrar eit breiast mogleg tilbod kulturelt og sosialt og såleis stimulerer dei aktive og kreative kreftene i studentmiljøet.
3) SfS yter ikkje støtte til politiske organisasjonar og undervisningsretta og fagleg relatert verksemd.
KRAV
Det vert sett følgjande krav til søknader under kategori 2:
FERDIG UTFYLLT STANDARD SØKNADSSKJEMA med følgjande vedlegg:
Komplett rekneskap med kommentarar for siste år - balanse/res.
Budsjett m/kommentarar for søknadsperioden
Årsmelding for rekneskapsåret
Årsplan for søknadsåret
Organisasjonar som gir ut blad/aviser etc. - eitt eks. av alle publikasjonar i siste søknadsperiode
Velferdsutvala behandlar alle kategori 2-søknadar og gjer vedtak om tildeling. Styret i SfS er ankeorgan.
NB! Hugs å legge ved inventarliste for laget/organisasjonen som inneheld innkjøpsdato, pris og standard/forfatning.
Søknaden skal vere maskinskriven!
Klikk her for utskriftsvennleg versjon
